Síðustu daga er ég búin að eyða miklum tíma í Amsterdam í góðu yfirlæti.  En nú er komið að heimför og get ég ekki beðið eftir að sjá alla og knúsa og kyssa og eiga yndislegar stundir á Íslandinu góða!

Sjáumst sem fyrst!

Ykkar Þórunn

Við stelpurnar hennar Charlotte áttum dag með henni í Purmerend á fimmtudaginn og héldum litla tónleika fyrir vini og vandamenn.  Þetta var alveg frábært. Ég söng allt prógrammið mitt fyrir prófið og núna veit ég nákvæmlega hvað ég þarf að laga og hvað ekki!

Og núna um helgina fór ég í heimsókn til Palla í Nijmegen.  Kominn tími til, ég hálf skammast mín fyrir það hvað ég er búin að vera léleg að fara í heimsókn.  En Gísli og Jonni komu frá Svíþjóð og skoðuðum við Nijmegen á laugardaginn, elduðum pizzu og fórum í bíó.  Svo fórum við til Amsterdam í gær og gerðum allt það mest spennandi fyrir 17 ára og þið getið bara fyllt í eyðurnar...

Það var þvílíkt gaman hjá okkur og enduðum við góðan dag á Hard Rock og fengum okkur ekta hamborgara!  Vonandi koma myndir seinna en Palli og Jonni tóku fullt af skemmtilegum myndum.

Venjuleg kennsla er búin svo núna er bara að bíða eftir prófunum en ég fer í þrjú próf þann 8. og 9. júní og svo er söngprófið 17. júní svo hugsið til mín!

Og svo kem ég heim!!!

Kossar Þórunn

Hópmynd af Mozart tónleikunum!  Vonandi fæ ég fleiri myndir seinna.

Annars voru Mozart tónleikarnir í gær og þeir gengu bara rosalega vel.  Svolítið skrítið að vera svona fjölskyldulaus að syngja á tónleikum en auðvitað hef ég fullt af fólki í kringum mig hérna, ég get sko ekki kvartað!   Svo eru það bara prófin sem taka við núna og er ég að fara í þýsku framburðarpróf á morgun.  Það kemur í ljós hvernig það fer en kennarinn lýsti því nú eiginlega yfir í síðustu viku að enginn myndi ná!  Við sjáum bara til hvernig það fer.

Svo eru bara fimm vikur í heimkomu og hlakka ég ekkert smá mikið til.  Þetta er alveg komið gott í bili.  En auðvitað er ég að skemmta mér konunglega hérna. 

Er flutt til Sólu og Stefáns og er hér í góðuyfirlæti með yndislegum vinum!

La vita è bella!

Þórunn

Fór svo til Frieslands um helgina en segi betur frá því ævintýrir seinna en þar kemur strandgæslan við sögu!  

 Kossar:*

Þórunn 

Af skólanum er það að frétta að ég náði píanóprófinu mínu.  Ég er ekki mesti snillingurinn á píanó eins og margir vita og gleymi ég ekki athugasemd frá Láru Bryndísi einu sinni "Þórunn mín þú ættir kannski að fara að læra á píanó"  en í umsögninni frá kennaranum sagði að ég væti með góðan rythma og exellent karakter.  Aðal málið er samt bara að ég náði. Svo erum við á fullu að undirbúa Mozart tónleikana sem eru 16. maí og það er þvílíkt gaman í hóptímunum núna.  Mikil gleði að vera að vinna svona flotta tónlist.  Annars er ekkert sérstakt að frétta.  Lífið gengur sinn vanagang og ég er farin að hlakka til að koma heim en ég kem þann 21. júní er meira að segja búin að kaupa miðann.  Við þurfum að fara úr íbúðinn þan 15. maí og flyt ég þá til elsku Sólar og Stefáns en þau eru svo yndisleg að leyfa mér að vera hjá sér í mánuð. 

Í næstu viku er frí í skólanum g ætla ég bara að taka því rólega fyrripart vikunnar en er svo boðið til Freisland um næstu helgi og hlakka ég þvílíkt mikið til.  Það verður yndislegt og ætla ég að taka sundbolinn minn með með því ég er búin að ákveða að það verður gott veður og ég get bara legið á ströndinni í sólbaði! Stundum finnst mér eins og líf mitt hérna sé ekki raunverulegt.  Finnst ég bara vera í endalausu fríi að hafa það gezellig eins og Hollendingarnir segja það en það þýðir að hafa það kósí, notalegt og yndislegt!

Set inn nokkrar myndir síðan Stefanía var í heimsókn hjá mér! 

Þúsund kossar:*  

Ykkar Þórunn Vala

Það er nóg að gera hjá mér.  Ég er komin með fasta vinnu í skólanum og vinn núna 2-5 tíma á dag sem er frábært.  Næsta verkefni er Mozart ensembles og ég er að syngja Vitelliu úr La Clemenza di Tito og Elviru úr Don Giovanni, þvílíkt spennandi.  Svo er ég að syngja á tónleikum á þriðjudaginn, hádegis barrok.  Alveg dásamleg tónlist eftir meistara Bach.  Og svo má ég ekki gleyma því að hún Jana mín er að koma eftir viku eða á laugardaginn og svo kemur Stefanía um páskana og ég er að reyna að pressa á Erlu og Binna að koma líka þá.  Þá verður kátt í höllinni.

Ekki má ég gleyma félagslífinu því það er í blóma og partý á eftir partý.  Set kannski inn myndir sem fyrst en ætla að fara að skoppa út í sólina á bleiku skónum mínum. 

Þangað til næst!

Ykkar Þórunn Vala

Annars er ég búin að hafa það mjög gott síðustu daga.  Í gær fórum við á þorrablót Íslendingafélagsins.  Við vorum beði um að halda uppi söngdagskrá og Stefán var forsöngvari.  Við settum saman lítið prógram og sungu Stefán og Elmar, Sólsetursljóð og fimmundasöngva og við Sóla sungum Hvíta Máva og Lilja spilaði með okkur.  Svo tókum við saman Ég af öllum háska hlæ og þetta heppnaðist líka svona vel.  Mikið gleði með þetta allt saman!  Aðalatriði kvöldsins var auðvitað maturinn, sem var þvílíkt góður.  Ég er nú ekki þekkt fyrir að þykja þorramatur(súrmatur) góður þrátt fyrir að Jónsi hafi gert heiðarlegar tilraunir til að fá mig til að borða þennan mat.  En það var svo margt annað þarna eins og grafinn lax, lax, plokkfiskur, lambalæri, hangikjöt, harðfiskur, saltkjöt og rófustappa, flatkökur, rúgbrauð, smjöööööör og ég gæti lengi talið.   Ég á eftir að lifa lengi á þessu, held ég þurfi bara ekki að borða neitt það sem eftir er vikunnar.  Svo dönsuðum við af okkur lappirnar við eðal íslenska popptónlist, brjálað stuð;)

Svo tekur enn ein vikan við á morgun með nýjum ævntýrum í niðurlöndum!  Set inn nokkrar myndir!

Kossar frá Trekt:*

Ykkar Þórunn

Tónleikarnir á föstudaginn gengu bara vel og var ég nokkuð ánægð með mig.  En það er samt alltaf þetta EN!  Ég hefði viljað njóta mín betur, gleyma mér en það er nú alltaf þannig.  Svo taka núna við þýsk ljóð og er ég að syngja Strauss, sem er æðislegt.  Það er mjög mikið að gerast í röddinni minni þessa dagana og svo ég sé alveg hreinskilin þá er það ekki alltaf gott eða öllu heldur þægilegt, það tekur rosalega á tilfinningalega.  Ég er að losna við spennu sem ég er búin að vera að eiga við í nokkur ár.  Það tekur tíma og verð ég því að vera þolinmóð.  Ekki minn stærsti kostur!  Mér hefur alltaf fundist best að vera hreinskilin og það er mannkostur að koma hreint fram.  Lífið er auðvitað yndislegt en það á ekki að vera auðvelt eins og pabbi segir.  Dagarnir hér eru því misjafnir og sumir eru dans á rósum en aðrir eru þyrnum stráðir.  Auðvitað er það það sem gerir mann sterkari og betri manneskju fyrir vikið.  Ein speki sem mér finnst gott að lesa öðru hvoru er þessi:

Hættu aldrei að leita og ögra.

Uppgvötaðu hvað þú vilt gera

og gerðu það vel

Megirðu tileinka þér nýja kunnáttu,

ljúktu verki sem þú ert ánægð með,

finna að þú skilur eitthvað þér áður hulið,

uppgvöta eitthvað þér áður óþekkt.

Taktu framtíðinni af hugrekki og von,

eldmóði, orku og gleði.

Og úr öllu þessu skapaðu þér líf

sem þess virði er að lifa því. 

Mér líður samt ekkert illa hérna en auðvitað er þetta erfitt.  Það var enginn búinn að segja að þetta væri auðvelt, að búa einn í útlöndum.  Stundum finnst mér eins og allt eigi að vera svo frábært og æðislegt en það er það kannski ekkert.  En ég er forréttinda manneskja, ég veit það.  Það eru forréttindi að fá að stúdera og hvað þá að stúdera tónlist í yndislegu umhverfi með yndislega kennara og góða vini. Í kvöld ætlum við stöllur svo að skella okkur í óperun í A'dam að sjá I Puritani eftir Bellini og verður það yndislegt og ég held ég fái mér bara hvítvínsglas og njóti þess að vera til.  Takk elsku allir fyrir yndislegar kveðjur og það eru auðvitað allir alltaf velkomnir í heimsókn.  Alla daga;)

Knús og kossssssar frá Niðurlöndum

Ykkar Þórunn Vala

Það gengur bara vel í skólanum og tónleikar á föstudaginn.  Þá fæ ég loksins að syngja Schumann sem ég er búin að verað að tala um síðan um ármótin.  Verð að viðurkenna að það verður gaman að fara að takast á við nýja hluti í næstu viku.  Ég fór aftur til A'dam um síðustu helgi en það var íslenskur tónlistardagur í tónlistaháskólanum þar í borg.  Þar voru samankomnir íslenskir nemendur úr evrópu og voru flutt verk eftir Jón Leifs, Huga Guðmunds og Skálholtsmessuna eftir Hróðmar.  Dásamleg tónlist.  Og svo var auðvitað partý á eftir og leið mér bara eins og ég væri komin í Tónó / mh-partý  það var mjög gaman.  Okkur Lilju var boðið að gista í A'dam en ákváðum að taka næturlestina heim enda alltaf best að vakna í sínu eigin rúmi.  Þetta er nú allt of sumt sem er að gerast í mínu lífi þessa daga.  Set inn nokkrar myndir frá heimilishaldinu á Zutphenlaan (suddabæ) og lífinu í Hollandi!

Kisskisssss:*

Hjalti kom í heimsókn og eldaði mjög góða Túnfisksteika.

Matarboð í Jónshúsi.

Í Conservatorium van Amsterdam

Á góðri stund eftir tónleikana, veit ekki alveg hvað Guggý sá.....

Svo er ég að taka þátt í litlu kantötuverkefni með krökkum úr barrokdeildinni.  Við erum að fara að flytja kafla út kantötu númer 100, 99 og 94, mjög spennandi verkefni. Þannig að það gengur sem sagt bara mjög vel og um nóg að hugsa.  Ég er líka búin að vera ágætlega dugleg að fara á tónleika og gera ýmsa hluti.   Við fjölmenntum í janúar á sýninguna hans Elmars í A'dam og stóð hann sig með prýði, auðvitað, var stjarnana í sýningunni!  Svo bauð Channa mér með sér á tónleika í Concertgebouw á fimmtudaginn. Þar var flutt Requiem eftir Dvorák, yndisleg tónlist og flottir söngvarar og svo ég tala nú ekki um hljómsveitina en hún var hreinn unaður að hlusta á enda sú besta í heiminum í dag (samkvæmt einhverjum lista)  Pabbi hennar spilar í hljómsveitinni og bauð hún mér að koma með sér.  Ég var svo seint á ferðinni þannig að ég ákvað að gista í Jónshúsi, sem var auðvitað yndislegt.  

Það var svo smá "fjölskylduhittingur" á laugardaginn, einnig í Jónshúsi, en litla fjölskyldan í Trekt fór í pönnsur (sem ég bakaði) til A'dam.  Svo eldaði Heiðrún mjög góðan mat og áttum við yndislega kvöldstund saman sem verður sett í minningarbankann.  Takk fyrir yndislegan dag allir.

jahá held bara hreinlega að ég muni ekki meira í bili.  Bara ein setning sem ég hugsa oft um úr Alkemistanum.  

 It is the possibility of having a dream come true that makes life interesting!

Og það er einmitt það sem ég er að gera hérna í Hollandi, að láta drauminn rætast og þá er ekki annað hægt en að vera glöð, kát og ánægð með lífið!!!

Elska ykkur öll kæru vinir!

Ykkar Þórunn Vala 

Ég að syngja Vitelliu í hóptíma, þetta er salurinn okkar!

Ég, Simone og Caro með kampavín í upphaf heimsóknar í Tilburg!

Við matarborðið.  Fengum fyrst sjávarréttasúpu, og svo ferskt pasta með heimatilbúnu pesto!  Og auðvitað hvítvín með.

Svo sungum við og Lilja spilaði með okkur!  Hentugt að hafa píanóleikara í hópnum!

Það var svo slakað á við arininn!

ég og Flexy!  Já okkur kom vel saman:)

Ég og Simone a leiðinni í pottinn góða!

að leggja af stað í ævintýragarðinn.

Fyrir utan Efteling!

Komnar inn í garðinn!

Sverðiði í steininum!

Lilja í hringekjunni!

Auðvitað fengum við okkur pulsu! 

Simone á svepp!

Rauðhetta     ...og úlfurinn!

Sætar vinkonur.

Í bollunum...

skálað í Glühwein!

Góður dagur að kvöldi kominn.....

Síðasta kvöldmáltíðin!

... og yndislegu gestgjafarnir okkar Josefin og Hidde.

Svo fórum við Lilja, Simone og Carolien til Tilburg á föstudaginn og vorum alla helgina.  Mamma hennar Caro bauð okkur að vera hjá sér en hún er gift algjörum milla og vorum við í þvílíku dekri! Það var æði, við fórum í heitapottinn, lágum í saunanu og borðuðum þvílíkt fínan mat og allt sem við gátum í okkur  látið! Margar tegundir af víni með matnum, enda auðvitað með vínkjallara og bar!  Ég hef aldrei lent í öðru eins.  Svo fórum við í Efteling sem er svona svipaður garður og Disney.  Mjög skemmtilegur og lét ég mig meira að segja hafa það og fór í rússíbana, alveg satt!!! Þannig að ef systkini mín koma í heimsókn þá ætla ég með þau þangað.

Svo er bara ný vika framundan með æfingum og lærdómi!  Ætla svo að fara að koma mér í gírinn að hlaupa eða hreyfa mig eitthvað!  Svo við sjáum hvað gerist í þeim málum;)

Knús og kossar í bili:*

Ykkar Þórunn

Það var ótrúlega skrýtin tilfinning að koma "heim" aftur.  Lilja sagði þegar bið lentum velkomin heim og ég sagði þetta er ekki heim en kannski annað heimilið mitt.  Því það verður alltaf eitt heim í mínum huga og það er á Íslandi. Stundum verð ég þreytt á því að vera svona hrikalega tilfinninganæm! Er búin að vera hálf grátandi alla vikuna og bara yfir fegurðinni í kringum mig eða uppúr þurru.  Keyrði niður að Viðey á mánudaginn og sat bara í bílnum og dáðist að fegurðinni með tárin í augunum og tók inn alla orku sem ég gat og ætla að fara aftur á þennan stað þegar ég fæ sem mesta heimþrá.  Ferðalagið gekk vel og hlakka ég bara til að hitta alla á morgun og komast aftur í rútínu.  Markmiði með önninni er að vera glöð og kát og læra eins mikið og ég get og auðvitað að gera mitt besta, get víst ekki gert meira en það.  Ég er búin að fá margar athugasemdir um að ég sé léleg að blogga og það er annað markmið.  Að segja meira hvað ég er að gera í skólanum og auðvitað bara hversdagslífinu sem er nú fábreytt á allan hátt eins og gamla konan sem sagði alltaf fyrirgefðu þegar hún bar eitthvað fram eða færði litla gjöf. Ég ætla að fara á morgun, eftir skóla, og kaupa mér blóm og byrja að rækta kryddjurtir í glugganum mínum. Það vantar sárlega eitthvað grænt í íbúðina því öll blómin dóu því miður í kuldanum um jólin.  Ég hef lært það að það eru þessir hlutir sem fegra lífið.  Bara það að kveikja á kertum þegar við komum heim í dag bjargaði öllu! Þá varð allt heimilislegt aftur og auðvitað yndislega kaffidótið mitt sem ég er búin að sakna mikið yfir jólin því eins og allir vita sem eru tíðir gestir í Foldasmáranum þá er kaffið þar annaðhvort of sterkt eða soðið.  Fyrirgefðu mamma mín en þetta er bara staðreynd! Það verður að gera eitthvað rótækt í málunum og ég veit að Brynja er sammála mér.  Allavega það er alltaf eitthvað til að gleðjast yfir.

Þangað til næst

Ykkar Þórunn Vala